நான் கடவுள்:வசூல் சாதனை ! !!

விதவிதமான விமர்சனங்கள் வந்தாலும், முதல் வார வசூல் நிலவரப்படி பாலாவின் நான் கடவுள்தான் பாக்ஸ் ஆபீஸில் முதலிடத்தில் நிற்கிறது. 
சென்னையில் 11 திரையரங்குகளில் வெளியாகியுள்ள நான் கடவுள் வார இறுதி நாட்களில் மட்டுமின்றி, வேலை நாட்களிலும் கூட ஹவுஸ் புல்லாக ஓடிக் கொண்டிருக்கிறது.

இதில் ஆச்சர்யம், புற நகர் பகுதி திரையரங்குகளிலும் இந்தப் படத்துக்கு குவியும் கூட்டம்தான். பரீட்சை நேரத்தையும் தாண்டி இந்தப் படம் பெரும் தொகையை இந்த ஒரே வாரத்தில் வசூலித்துக் கொடுத்துள்ளது தயாரிப்பாளரை சந்தோஷப்பட வைத்துள்ளது.

ரஜினி போன்ற பெரிய நடிகர்களின் படத்துக்குச் சமமாக மொத்தம் 436 பிரிண்டுகள் போடப்பட்ட நான் கடவுள், வெளிநாடுகளில் நல்ல கூட்டத்துடன் ஓடுவதாகவும், அமெரிக்காவில் சூப்பர் ஹிட் தமிழ் படப் பட்டியலில் இடம் பெற்றுவிட்டதாகவும் தெரிவிக்கிறார் படத்தின் ஹீரோ ஆர்யா.

விநியோகஸ்தர்கள் மற்றும் திரையரங்கு உரிமையாளர்கள் தரப்பிலிருந்து வந்துள்ள ரிப்போர்ட்டுகள் மிகவும் சாதகமாகவே உள்ளதால், படத்தின் விளம்பரங்களில் கூடுதல் கவனம் செலுத்த ஆரம்பித்திருக்கிறார்கள்.

நல்ல படம், வணிக ரீதியாகவும் வெல்வதுதானே, கோலிவுட்டுக்கும் ஆரோக்கியமாக இருக்கும்!